برشة توانسة ماشي في بالهم إلي إعتصام باردو هو إعتصام ضد النقاب أو الإسلام
لا مش صحيح
إعتصام باردو يتبنى مطالب ضد أي مشروع دكتاتوري جديد في تونس. من بين هاذي المطالب
- حق جميع التونسين في بث مباشر لمباحثات المجلس التأسيسي ليعرف كل تونسي مواقف النائب إلي اختاروا باش يمثلوا
- منع وضع جميع السلطات في يد رئيس الحكومة الجديد مثلما كانت في يد بن علي سابقا والنتيجة تعرفوها
- حق الشعب التونسي في إستفتاء على الدستور
- منع مشروع قانون يلزم بتوفر 2/3 من النواب لإسقاط الحكومة، أي انو الحكومة ممكن تواصل رغم معارضة أكثر من نصف النواب عليها
- تكريس ألفصل بين السلط من خلال عدم تصويت الوزراء على مشاريع القوانين المقترحة
أخي التونسي اختي التونسية، التجمع وبن علي ما سلم منهم حتى تونسي بما فيهم التجمعين أنفسهم ... صراعنا من أجل تونس أفضل لكل التونسيين مهما كانت ألوانهم
Aucun commentaire:
Enregistrer un commentaire