14 novembre 2011

اتحاف أهل الزمان بأخبار امارة غنوش ومرزوقستان - التمويل القطري

 برشة مواطنين ومواطنات مستبشرين بأموال قطر إلي ماشي تبني الإقتصاد وتنفنف العباد. الناس هاذي قالو يزينا من فرنسا إلي باعت الماتراك ولاكريمجان لبن علي  ونساو إلي حمد وسلالتو عطاو قواعد الى أمريكا قتلت بهم أكثر من مليون عراقي عربي مسلم ... زعماء الناس هذي نساو إلي فرنسا وبريطانيا استقبلوهم وقت إلي بن علي عذبهم وحبسهم وإلي لوكان مش بن علي حاشم شوية من اوروبا رانا نترحمو عليهم ...

المشكلة مش في فرنسا وبريطانيا وقطر خاطر أنا واحد من الناس تونسي ونرفض أي دور أجنبي في بلادي ...  أما في شعب بلادي إلي يحكم بالعواطف ...

نرجعو  الى صلب الموضوع. شنية الإستثمارات القطرية الممكنة في تونس؟
  • معمل تكرير نفط في الصخيرة
  • ميناء مالي فيه مصارف وبنوك إسلامية
  • الدخول في رأس مال الشركات الوطنية في إطار الخوصصة
  • السياحة  
  • بناء نزل وأبراج سكنية 

معمل تكرير نفط في الصخيرة
وإن كان ماشي يوفر مواطن شغل فإنو ماشي يلوث البيئة. القطرين ماعندهمش خبرة ولا كفاءة في تكرير وماشي يجيبوا عمالة أمريكية وفرنسية وصينية باش يدوروا المعمل في حين انو التوانسة ماشي يخدموا الأعمال البسيطة والعضلية. مانا ماشي نتعلمو حتى شي، بالعكس ماشي نحيو شوية شوماج على فرنسا ونقسموو شوية النفط متاعنا مع قطر وأمريكا و فرنسا. إي عاد نقسمو مع فرنسا وحدها خير ... في وقت الناس تأمم في نفطها احنا ماشين نقسموه  مع قطر وأمريكا وفرنسا 

ميناء مالي فيه مصارف وبنوك إسلامية
ماهي الإضافة لإقتصاد التونسي كي قطر تعمل بنوك وبنوك إسلامية؟ أول حاجة القرض إسلامي والا مش إسلامي كيف كيف والتونسي ماهو ماشي يربح مل بنك الإسلامي كان ليطمئن قلبي أما الفائدة ماشية الى قطر إلي كي العادة مشي تجيب مديرين امريكيين وأوروبيين ولبنانين لإدارة أعمالهم والتوانسة يخدم عمال تنظيف، شاد الكاسة هذا كان عندهم فينا ثقة ... مل آخر التونسي ماشي يربح حتى شي من البنوك القطرية


الدخول في رأس مال الشركات الوطنية في إطار الخوصصة 
أكبر مثال في فشل هل حكاية تجربة غنوش تليكوم مع الإمارتين ... الإمارتين جابو مديرين امريكان وفرنسيس يخلصوا بالاورو والدولار ويقسموا معانا في المربوح ... خسارة كبيرة للبلاد ما ربحنا منها كن زوز قناطر عل روت إكس مازالوا ماكملوش.

السياحة  
حكومتنا الرشيدة وبعض مواطنينا الأبرار يحبو يبدلوا السياح الأوروبيين بسياح من دول الخليج العربي. الخليج عندو شمس وصحراء وبحر ووتلة واحنا  عندنا شمس وصحراء وبحر ووتلة. اش مجيب خليجي الى تونس. بعض التوانسة قلك أو موان خليجي مسلم كيفنا ميستهلكش منكرات ونساو إلي الخليجي يحب يفرهد جميع أعضاء جسدو ويمارس رجولتو في الكونجي متاعوا هاكا علاش يفضل تايلندا وماليزيا واندونسيا ... وكان أشرف بلادي يرضاو المهانة لبنات بلادي إن منرضاهاش. إيه عاد برشة ناس نسات إلي الخليج الكلو 45 مليون مايجيش قد نص فرنسا ...  

بناء نزل وأبراج سكنية
في هذي الحالة، اخونا في سيدي بوزيد وقفصة والقصرين وتالة ينساو أو بالأحرى يمضمضو عل التنمية والأتوروت والقناطر خاطر المواد الأولية مشي تطلع للسماء ... زيد على ذلك إلي المشاريع هذي مشاريع التشغيل فيها ضرفي بمهندسين اجانب بالطبيعة والمربوح يمشي إلى قطر في شكل معلوم كراء أو بيع ... إلا جانب انو التونسي إلي يحب يشري يلزم قرض إسلامي من بنك قطري ... حاجة أخرى مهمة، الأبراج هذم مشي يجيو عباد عندهم فلوس بش يسكنوا فيهم والعيشة مشي تغلى على التونسي المزمر كيفي وكيفكم 

قطر لا عندها لا تكنولوجيا ماشي تعلمهلنا، لا ماركات عالمية و لا صناعات ذات طاقة تشغيل عالية، كل ما تستطيع  هو خدمات ذات طاقات تشغيلية محدودة مع عمالة أجنبية متطورة ومردودية عالية ماشية إلى قطر أما التونسي ياخو الشب. اه نسيت، القطرين في إطار تشجيعهم لنهب تونس مش يتمتعوا بإعفاء جبائي ... في حين انو استثمارات  فرنسية وأمريكية ويابانية  في التكنولوجيا و الخدمات الموجهة  إلى أوروبا و ليس إلى تونس كالنسيج ومراكز النداء ومعامل الأجهزة الكهربائية وشركات الإعلامية والاتصالات هي استثمارات ذات قدرة تشغيلية عالية ومساهمة في التنمية ولا تلوث البلاد ولا تنهب الموارد الطبيعية ... هذا إلى جانب انو الفرنسين والطليان عندهم ثقة في الكفاءة التونسية. التوانسة يتعلموا زادة وينجمو ياخذو زمام المبادرة والدليل بولينا وشكيرة وتلنات ...

الخلاصة: الإعتماد على قطر قد يسبب كارثة إقتصادية لتونس 

8 commentaires:

  1. Bien que ton titre donne une idee de ton niveau de respect des autres, je trouve que tu amene sur table un raisonnement digne de s'appliquer a tous les possibles investisseurs.
    Ceux qui ne respectent pas nos possibles investisseurs ne comprennent pas que la diversification est une obligation strategique et pas un choix de loisir...

    RépondreSupprimer
  2. Je m'excuse si le titre à choqué votre sensibilité. Je ne trouve dans ce titre aucune atteinte à personne mais je trouve que beaucoup ont tort en sacralisant des personnes ...

    RépondreSupprimer
  3. Les raisons d'Etats. Un terme qui exprime la strategie d'une nation sans tenir compte des personnes aux pouvoir.
    Tradition que nous sommes entrain d'acquerir...

    Votre argument est trop serieux pour l'embellir avec ce titre (comique mais a la limite jouant le jeu de ceux qui diabolisent ennahdha)...Peu importe les personnes, se sont eux que notre pays et peuple a choisi pour gouverner et faire avaqncer les choses ne se fera que dans un esprit serain pour discuter de l'avenir, des choix a faire ...

    RépondreSupprimer
  4. Pour moi, Ennahdha n'est qu'un fruit d'un projet Americo-Qatari dans mon pays tant qu'ils n'ont pas prouvé le contaire je luterai pour la souvraineté de mon pays ... Je n'ai rien fait à part critiqué un modèle économique que je juge défaillant

    RépondreSupprimer
  5. Une analyse de la relation bilatérale avec Qatar et les éventuels investissements en Tunisie..emmmmOuais!
    Un titre très original(bien que ça ne plaise pas à tout le monde).
    Une présentation de la politique extérieure Qatarienne (Plus de mal que de bien et personne ne peut contre-dire).
    Lier tout ça avec le programme politique du parti n°1 en Tunisie et hop!Un point de vu très objectif!
    Bien que j'aurais aimé qu'il mûrisse un peu plus! Mais bon! c'est pas mal!

    RépondreSupprimer
  6. If you say so si Mohamed Ali. Je partage ton opinion. Je le picke pour discuter de facon plus constructive ennahdha. Pour ce qui est du projet blabla, ennahdha sous ittijah islami existed way way before even Qatar was a wealthy state....Check a wiki it became independent in 1971...didn't get ritch until the 90s...

    RépondreSupprimer
  7. Dire qu'ennahdha est un projet de tel tou tel c'est ignorer l'histoire de ce mouvement...Il se trouve que les superpowers ne peuvent plus blocker les islamistes par l'intermediaire des dictatures et la diabolisation ou en faisant peur au peuple dont ces mouvements sont originaires...Quand Hillarty est arrivee en Tunisie elle n'est pas venu voire Jaridet Alfajr (a defaut de chaine tele d'ennahdha!) elle est passe voir les 9rouda de nesma tv. Alors dire que l'US a un projet nomme ennahdha n'est que de la desinformation grotesque ou de l'ignorance. Et ceux qui y croient ne me font que, samihni, pitie de leur ignorance des rouages internationaux. D'ailleur les US ne font plus que catch up aux evenements.

    RépondreSupprimer
  8. mr mohamed, je m'excuse mais malhmnt ton article n'a rien de logique économique et mm vos résultats sont des idées non validées par des études empiriques. malhmnt, pour construire des hypothèses et avoir des résultats il faut mené tte une étude. avec tt mon respect

    RépondreSupprimer